کلمات اصیل لری را در اینجا بنویسید یادگاراشعار لری جناب نگین تاجی و احمد انصاری فهلیانی
شوسهون ایله گروته، تش و تنگی بزنیت
منه ای چاله ی سهکور، خرنگی بزنیت
یو چه بدبختی ی که بهسه و جونت خونه
یو چه سرمایی که برنایه کمر افتونه
اور سه ويرکشه هر روز و بارونی نی
شوک گاله ایزنه و مرغ غزل خونی نی
یخ و سرمای ایزنه و تشک چراغه ایکشه د
سوم و سرتش همه ی دارل باغ ایکشه د
مو که نشنفتم و نییم زمسون ایطو بو
تک کنه حونه ی مردم و هوا شرطو بو
روزگاری همه جا کوگ و تهی بال ایزه
پازن مهس کلو لرکه ،من ای مال ایزه
گل باوینه وری بشمییل عاشق ویبی
عشق ایخندس و موج ایزه زر سایه ی نار
زمسون دهس کمش نرگسه ایدا و بهار
پییز عاشقتر توسون و بهار ایبی دَ
تش و برق ایکه زمهسون و سوار ایبی دَ
بید مجنون پلش ایششت زر اور بهار
تیل باغ بر ایکه قد و بالَی گلِ نار
شونم ایبی دم عیسی و وگل جون ایدا
جونه صحرا و در و دشت و بیابون ایدا
دل مردم خش و زندی خش و خشتر دل دشت
نه صدای شربه و شیون نه صدای شوک پلشت
عشق ایباری و عشقه همی جا ایدیییم
زر بارون خدا زنده وعشق ویبییییم
قوم و خویش و در و همسایه ککا بیین دَ
سی دوای دردلشون دهس دعا بییین دَ
چشمه خشک آبی و بنگشت و تشنی جون دا
هر چه اور اومه فقط حسرتی و بارون دا
نفس نحس خومو بی که غزون وابیییم
دهس و پا بهسه ی زنجیل جنون آبییییم
نفس عشقه که جون اییه و زنده ی هممون
نفس عشقه نبوهه اجلت نیییه امون
عقل ومو داده خداوند که آدم بیمو
منه ای عمر دو روزه همه با هم بیمو
بین ای مردم ساویله دورنگی نکنیم
ور بییمو چپ و راس و خط وخط بازی نَ
کینه و دشمنی و دوز و دغل بازی نَ
دینَ دنیا زر و ری کردنَ عادت نکنیم
علی آبیم و وته پشتَ عدالت نکنیم
پیر و پیغمبرِ ای مردمَ غارت نکنیم
غیر کعبه ی دلشو هیچه زیارت نکنیم
بختت ار کرده گل و نوم و نشونی داری
در و تخته ی ویک آبییه و نونی داری
نکنه نکبت سه، بنده ی میز آبی دَ
زر خالین ملت گَنده رمیز آبی دَ
قدر ای فرصت چند روزه نَ باید دونس
دیرتر تا که نوابییه دَ باید جُمس
و گل و شونم و باوینه سراغی بگریت
سر هر کیچه ی سه کور چراغی بگریت
بشنفیت درد دل ای مردمه، بی درد نبیت
در حق مردمتون یی قذه نامرد نبیت
دو رکعت عشق بخونیت و یه کاری بکنید
من ای سه زمهسون فکر بهاری بکنید
منِ ديوار قفس بي هٌشَه دون سَر مَزَنيت
يُه نَه پَروازِه وَ من كُنجِ قَفَس پَر مَزَنيت
دَورِ پَي جادهَ مَپيچيت مِثِ مارو هَفي
يَعني ايطوريَ سَرهَرخَطَه چَمبَر مَزَنيت
هَرپَرَندَه َي يَه صِدي داره كه مخصوصِ خُشه
خَندِسَن كوگَ قَدِ جيقَه يِ شَوپر مَزَنيت
اَگَه بَندير بَهاريت و وَدين صلح و صفا
تيرَ كِر بالِ پَرستو وُ كَموتَر مَزَنيت
عشق ، مَعصومِه وَ بازي مَگريتِش اُمرو
هَي وَ پَس سَر وَرِ پَهليشْ وَ خَنجَر مَزَنيت
اَو وَ گُل تازه شِكُفتَه اَگَه نيديتْ مَديت
دَسِ كَمْ وَ زرِ لالَه يِ پَر پَر مَزَنيت
پا كَني كردَنِ هر باغَ بَهونَه مَكُنيت
تيشَه مِنْ ريشَه ي نارنج و دَبي تَر مَزَنیت
آخُه بَلگ ايخَره تاريخ وُ وَرَق ري ويبو
نقشِ وارينَه وَ من صَفحهَ ي دَفتر مَزَنيت
دانلود ساز و نقاره ممسنی 
میل اژدهای ممسنی.jpg "تنگ بوان، شهرستان ممسنی")
تنگ بوان، شهرستان ممسنی
شعر لری نورابادی.jpg "عاشورای ممسنی ورستم-عکس وتصویر")
عاشورای ممسنی ورستم-عکس وتصویر
عکس هایی زیبای لری از ممسنی ورستم
ممسنی زیبا + عکس.JPG "عزاداری در امامزاده های ممسنی + عکس")
عزاداری در امامزاده های ممسنی + عکس
عکس عروسی ممسنی
رقص لری
دانلود مداحی لری حاج عباس خسروي
مکان های دیدنی و تاریخی