کلمات اصیل لری را در اینجا بنویسید یادگارکوچنی!
کُه نشینم شانشینُم تا نفسَل آخرُم
چشمل کال تو مجبورم دَ کرده کوچنی؟
ی رفیق روزگار و مهربونیم كوچنی
خش زبون شویل بی همزبونیم كوچنی
تا تو بیدی سینه مهمونی به غیر از گل نداشت
ساز و اوازی به غیر از چهچه بلبل نداشت
آسمون او و دریا و دلم همرنگ بی
دی بلال آواز دل بی دل خشی آهنگ بی
بید مجنون دهس سینه ی چشمه ایز تا سحر
مرغ عشقم شووشوتا پشت مالت ایزه پر
تا تو بیدی هر شكالی بی دلم خو ایگره
هر پسین كهله ی تیم گل بچه آهو ایگره
تا تو بیدی ایل كوگ و پازن و كهره شكال
بی صدای ساز و نغاره كاره ایزن دور مال
بو خش سوزه و باوینه و نحنا و چویل
زن و زن خواس دو طیفه كل و گال ایل ایل
تا تو بیدی تیغ عشق یوسف شیرین زبون
باز هم بنجه ی زلیخا ن ایبری تا استخون
باز هم مجنون وری گل اسم لیلی ن اینوشت
باز هم لیلی و نازش جون مجنون ایبرشت
تا تو بیدی هیچ تهمت بر سیاوش نی نشهس
هیچ تیری مث تیر عشق آرش نی نشهس
تا تو بیدی پهلونی مث بیژن بی گنه
بی دوتا چشم منیژه صد چراغ ایبرد و چه
تا تو رفتی مهربونی بارش بهس و گذشت
كاسه بهره عاشقی افتاس و اشكهس و گذشت
همنشین دل گل ابی وای ای بخت خراب
كو بهار و كو جونی كو دل خش كو شراب
مجید نگین تاجی
---------------------------
-----------------------------------------------------------------------------------
اشک حسرت سی تیَت کورم دَ کرده کوچنی؟
شو خیالت از خیا دورُم دَ کرده کوچنی؟
دل اسیر چشمل مَهس تو وابی تا ابد
زنده ای بیدُم که غم گورم دَ کرده کوچنی؟
مُو گدای خاک پاتُم تا تو سلطان دلی
شوق آغوش تو مغرورم دَ کرده کوچنی؟
نومَه گم دنیا گرُهتم تا تو شیرین مِنی
کُه بِریدن سی تو مشهورم دَ کرده کوچنی؟
پاپتی دنیا نَ گشتم سی یَه لحظه دیدنت
وِی بیابون رهتَه دلشورم دَ کرده کوچنی؟
کُه نشینم شانشینُم تا نفسَل آخرُم
چشمل کال تو مجبورم دَ کرده کوچنی؟
یونس محمودی(گمنام)
-----------------------------------
دانلود ساز و نقاره ممسنی 
میل اژدهای ممسنی.jpg "تنگ بوان، شهرستان ممسنی")
تنگ بوان، شهرستان ممسنی
شعر لری نورابادی.jpg "عاشورای ممسنی ورستم-عکس وتصویر")
عاشورای ممسنی ورستم-عکس وتصویر
عکس هایی زیبای لری از ممسنی ورستم
ممسنی زیبا + عکس.JPG "عزاداری در امامزاده های ممسنی + عکس")
عزاداری در امامزاده های ممسنی + عکس
عکس عروسی ممسنی
رقص لری
دانلود مداحی لری حاج عباس خسروي
عبدالرضا مرادی/نماینده ممسنی با استناد بند یک ماده ۲۸ قانون رد صلاحيت شد